2025 жылдың 7 наурызы күні, Ақтөбе облысының мемлекеттік архиві ұжымының басшысы Марат Тулебайұлы бастаған ер азаматтары қауымы мекеменің нәзік жанды аруларын көктемнің шуақты мерекесі 8 наурыз – Халықаралық әйелдер күнімен салтанатты түрде құттықтап, ізгі тілектерін білдіріп, сый-сияпаттарын ұсынып, мерекелік кеш сыйлады.
Сонымен қатар, Қазақстан Республикасы Президентінің 2024 жылғы Жолдауына сәйкес, үстіміздегі жыл «Жұмысшы мамандықтарының жылы» екенін назарға ала отырып, мекемеде ұзақ жылдар бойы адал да абыройлы еңбек етіп келе жатқан қызметкеріміз Изкенова Қарылға Жақсыбайқызы облыс әкімі А.Шахаровтың «Алғыс хатымен» марапатталды.
Қымбатты ақ жаулықты әжелер, ардақты аналар, қаракөз қарындастар! Сіздерді Ақтөбе облысының мемлекеттік архиві ұжымының атынан жыл мезгілінің ең көрікті де қуанышты мезгілі көктемнің шуақты мерекесі 8 наурыз – Халықаралық әйелдер күнімен шын жүректен құттықтаймыз! Отбасыларыңыз бен өздеріңізге амандық, дендеріңізге саулық, ұзақ әрі шаттыққа толы ғұмыр, шаңырақтарыңызға құт-береке тілейміз. Өңір халқының әл-ауқатын жақсарту жолында атқарып жатқан еңбектеріңізде табыстарға жетіп, үлкен биіктерден көрінулеріңізге шын жүректен тілектеспіз.