Директордың құттықтауы
Құрметті достар!
Мұрағат – тарих айнасы. Халық пен ел тарихындағы құнды жазба деректерді жинастырып, сақтау ісіне әуелгі замандардан бері мемлекеттік деңгейде мән беріліп келеді. Қазіргі архивтерде мәңгілікке сақталатын тарихи деректер- мемлекеттің ішкі және сыртқы жағдайы, саяси-идеологиялық қатынастары туралы құжаттар ұлттық байлықтың бір бөлігі ретінде қорғалады.
Ақтөбе облысының мемлекеттік архиві туған өлкеміз- Ақтөбе облысы тарихының елеулі кезеңдеріне, тарихы мен мәдениетінің деректі ескерткіштеріне, сондай-ақ, белгілі тұлғалардың өмірі мен қызметіне қатысты құжаттарды жинақтап отыр.
Архив қызметкерлері сан – алуан ақпараттық байлықпен жұмыс істейтін, қоғам мүддесі үшін тарихи мұраға қолжетімді болу үшін жағдай жасауда тарихи жадының сақтаушылары.
Қазақстан Республикасының Тұңғыш Президенті Н. Назарбаевтың «Болашаққа бағдар: рухани жаңғыру» және «Ұлы даланың жеті қыры» атты мақалаларында мұрағатшылар алдында тұрған мақсаттар мен міндеттер нақты айтылды. Архив ісі түбегейлі өзгеруі тиіс. «Мәңгілік ел» бағдарламасын іске асыру барысында, Елбасы көтерген ұлттық сананы қалыптастыруда архив саласының атқаратын ролі зор. Өйткені, бүгінгі күні архивтер халық жадының сақтаушысы, тарихи сананы қалыптастырудың, патриоттық, рухани тәрбие берудің маңызды бір құралы. Оларға ұлтымыздың кешегісі мен бүгінін құрайтын құнды құжаттарды болашақ ұрпаққа аманат ету міндеті тапсырылған.
Қымбатты достар! Осы парақша арқылы өздеріңізге қызықты әрі қажетті ақпарат алуға, сондай-ақ архивтің күнделікті тыныс – тіршілігімен танысуға шақырамын.
Облыстық архив халыққа қолжетімді және тарихқа, шежіреге қызығушылар үшін әрдайым ашық.
Құрметпен, «Ақтөбе облысының мемлекеттік архиві» КММ-ң директоры М.Тулебай.
Жаңалықтар
Наурыз мейрамын мерекелеу қарсаңында өткен «Нұр себеле – Наурыз» атты іс-шара
Наурыз мерекесі – көктемгі жаңарудың белгісін көрсететін, ұлт пен ұлыстың сағынып күтетін ортақ мерекесі. Елімізді мекендеген бүкіл халық Наурызды «Жыл басы» деп танып, жыл өткен сайын Ұлыстың ұлы күнін ерекше сән-салтанатпен қарсы алады. Осы орайда, Наурыз мейрамдарын тойлауға бағытталған «Наурызнама» тұжырымдамасына сәйкес, Ақтөбе облысының мемлекеттік архивінің ұжымы 20 наурыз күні – ата-бабамыздың, ұрпақтан-ұрпаққа жалғасып келе […]
14 наурыз – «Көрісу күні – Амал мерекесі»
2024 жылы Мемлекет басшысы Қасым-Жомарт Тоқаевтың бастамасымен Наурыз мейрамын тойлаудың жаңа форматы – Наурызнама онкүндігі енгізіліп, мерекенің жаңа логотипі бекітілген болатын. Бүгін Ақтөбе облысының мемлекеттік архиві ұжымының қызметкерлері «Көрісу күні – Амал мерекесі» күнін ерекше көңіл-күйде қарсы алды. Ақтөбе облысының мемлекеттік архивінің басшысы Марат Тулебайұлы Көрісу күнімен ұжымды құттықтап, жылы лебізін білдірді. Сонымен қатар, Ақтөбе […]
8 наурыз – Халықаралық әйелдер күнімен құттықтау!
2025 жылдың 7 наурызы күні, Ақтөбе облысының мемлекеттік архиві ұжымының басшысы Марат Тулебайұлы бастаған ер азаматтары қауымы мекеменің нәзік жанды аруларын көктемнің шуақты мерекесі 8 наурыз – Халықаралық әйелдер күнімен салтанатты түрде құттықтап, ізгі тілектерін білдіріп, сый-сияпаттарын ұсынып, мерекелік кеш сыйлады. Сонымен қатар, Қазақстан Республикасы Президентінің 2024 жылғы Жолдауына сәйкес, үстіміздегі жыл «Жұмысшы мамандықтарының жылы» […]