Директордың құттықтауы
Құрметті достар!
Архив – тарих айнасы. Халық пен ел тарихындағы құнды жазба деректерді жинастырып, сақтау ісіне әуелгі замандардан бері мемлекеттік деңгейде мән беріліп келеді. Қазіргі архивтерде мәңгілікке сақталатын тарихи деректер- мемлекеттің ішкі және сыртқы жағдайы, саяси-идеологиялық қатынастары туралы құжаттар ұлттық байлықтың бір бөлігі ретінде қорғалады.
Ақтөбе облысының мемлекеттік архиві туған өлкеміз- Ақтөбе облысы тарихының елеулі кезеңдеріне, тарихы мен мәдениетінің деректі ескерткіштеріне, сондай-ақ, белгілі тұлғалардың өмірі мен қызметіне қатысты құжаттарды жинақтап отыр.
Архив қызметкерлері сан – алуан ақпараттық байлықпен жұмыс істейтін, қоғам мүддесі үшін тарихи мұраға қолжетімді болу үшін жағдай жасауда тарихи жадының сақтаушылары.
2025 жылғы 14 наурыздағы Ұлттық Құрылтайдың IV отырысында Қазақстан Республикасының Президенті Қ.Қ.Тоқаев: «Үкімет қолда бар орасан зор деректерді, соның ішінде мұрағаттар мен анықтамалық мәліметтерді, ғылыми зерттеулерді, иллюстрациялар мен фотосуреттерді, музыкалық шығармаларды және өнер туындыларын цифрлық форматқа көшіру жұмысын бастап кетті. Ұлттық цифрлық мұрағат құрып, оны еліміздегі және шетелдердегі нейрожүйе жасаушылардың еркін пайдалануына мүмкіндік беру керек» деп атап өтті.
Қымбатты достар! Осы парақша арқылы өздеріңізге қызықты әрі қажетті ақпарат алуға, сондай-ақ архивтің күнделікті тыныс – тіршілігімен танысуға шақырамын.
Облыстық архив халыққа қолжетімді және тарихқа, шежіреге қызығушылар үшін әрдайым ашық.
Құрметпен, «Ақтөбе облысының мемлекеттік архиві» КММ-ң директоры М.Тулебай.
Жаңалықтар
«Архив ісі және құжаттама саласын жетілдірудің өзекті бағыттары» тақырыбындағы облыстық ғылыми-тәжірибелік семинар өтті.
Ақтөбе облысының мемлекеттік архивінің ұйымдастыруымен Қобда ауданының орталығында Қобда және Ойыл аудандарының жергілікті атқарушы органдарының өкілдері мен мемлекеттік архивтердің басшылары мен мамандарына арналған «Архив ісі және құжаттама саласын жетілдірудің өзекті бағыттары» тақырыбындағы облыстық ғылыми-тәжірибелік семинар өтті. Семинарға Ақтөбе облысының мәдениет, архивтер және құжаттама басқармасының маманы архив істері және құжаттамалық қамтамасыз ету бөлімінің бас маманы А.А.Баймбетова, […]
«Ер Едіге» жыр мектебінің жетекшісі, термеші, жыраулық дәстүрдің жанашыры Әділбек Сариннің, Халық шығармашылығы орталығының өкілі Г. Романованың және жыр мектебі шәкірттерінің қатысуымен ұлттық өнерді ұлықтауға арналған тағылымды шығармашылық кездесу өтті.
Үстіміздегі жылдың 8 маусым күні Ақтөбе облысының мемлекеттік архивінде «Ер Едіге» жыр мектебінің жетекшісі, термеші, жыраулық дәстүрдің жанашыры Әділбек Сариннің, Халық шығармашылығы орталығының өкілі Г. Романованың және жыр мектебі шәкірттерінің қатысуымен ұлттық өнерді ұлықтауға арналған тағылымды шығармашылық кездесу өтті. Шараның негізгі мақсаты – «Ер Едіге» жыр мектебінің жетекшісі, жырау, термеші Әділбек Сариннің дәстүрлі жыр өнерін […]
«Қазақстан Республикасының мемлекеттік рәміздері» тақырыбында танымдық сағат өткізілді.
2026 жылғы 4 маусымда Ақтөбе облысының мемлекеттік архивінде Қ. Жұбанов атындағы Ақтөбе өңірлік университетінің Тарих факультетінің 2-курс студенттері мен архив қызметкерлеріне арналған «Қазақстан Республикасының мемлекеттік рәміздері» тақырыбында танымдық сағат өткізілді. Іс-шараның мақсаты – Қазақстан Республикасының Мемлекеттік рәміздерінің қабылдану тарихын насихаттау, олардың қолданылуы, пайдаланылуы және орналасу тәртібі туралы түсінік беру, сондай-ақ қатысушылардың азаматтық-патриоттық сезімдерін қалыптастырып, мемлекеттік […]