2024 жылы Мемлекет басшысы Қасым-Жомарт Тоқаевтың бастамасымен Наурыз мейрамын тойлаудың жаңа форматы – Наурызнама онкүндігі енгізіліп, мерекенің жаңа логотипі бекітілген болатын.

Бүгін  Ақтөбе облысының мемлекеттік архиві ұжымының  қызметкерлері «Көрісу күні – Амал мерекесі» күнін  ерекше көңіл-күйде қарсы алды.  Ақтөбе облысының мемлекеттік архивінің басшысы Марат Тулебайұлы Көрісу күнімен  ұжымды құттықтап, жылы лебізін білдірді.

Сонымен қатар, Ақтөбе облысының мемлекеттік архивінің басшысы Марат Тулебайұлы және мекеменің кәсіподақ төрайымы А.Алдамжарова Ақтөбе облысының мемлекеттік архиві ұжымының атынан архив саласының ардагері, «Архив саласының үздігі» Құлбаева Нұржамал Нұрмұханқызын 14 наурыз -көрісу күнінде  Наурыз мерекесіне орай құттықтап, сый-құрметін көрсетті.

Барша қазақ халқын Амал мерекесі-көрісу күнімен құттықтаймыз!
Әр шаңырақ шаттық пен қуанышқа кенелсін! Айдан аман, жылдан есен болайық!